By zuka_x / Get This!

www.zestaphoni.com 0492 25 26 26 www.zestaphoni.com 0492 25 26 26 www.zestaphoni.com 0492 25 26 26 www.zestaphoni.com 0492 25 26 26 www.zestaphoni.com 0492 25 26 26 www.zestaphoni.com 0492 25 26 26www.zestaphoni.com 0492 25 26 26 www.zestaphoni.com 0492 25 26 26 www.zestaphoni.com
 

29-09-2017, 12:08  - მეგობრობის ქუჩაზე ახალი სკვერი ოქტომბერში გაიხსნება


ახალი სკვერი მეგობრობის ქუჩაზე ოქტომბრის თვეში გაიხსნება. საზოგადოებრივი ბაღის მშენებლობა ადგილობრივი ბიუჯეტიდან  42850 ლარით არის დაფინანსებული. პროექტის მიხედვით სკვერის ტერიტორია ფერადი ფილებით მოეწყობა, დამონტაჟდება განათების სისტემა, სკვერი სხვადასხვა სახეობის დეკორატიული მცენარეებით გამწვანდება,  განთავსდება დასასვენებელი სკამები. სამუშაოებს ტენდერში გამარჯვებული ორგანიზაცია შპს „ქართუმშენი“ აწარმოებს. მეგობრობის ქუჩა N 11 – ში სკვერის მწყობის სამუშაოებს, მუნიციპალიტეტის გამგებელი ტარიელ თუთარაშვილი და გამგებლის მოადგილე ნიკოლოზ კრავეიშვილი ადგილზე გაეცნო. 

 

28-09-2017, 15:03  - სოფელ მწყერიციხეში საგზაო ინფრასტრუქტურის მოწყობა სრულდება


საგზაო ინფრასტრუქტურის აღდგენა მუნიციპალიტეტში კიდევ ერთ მისამართზე სრულდება. ბოლო ათეული წლების  შემდეგ პირველად, კლდეეთის ადმინისტრაციულ ერთეულში, სოფელ მწყერიციხიდან ხარაგაულის მუნიციპალიტეტის სოფელ ლახუნდარამდე საავტომობილო გზის რეაბილიტაცია განხორციელდა.  პროექტის მიხედვით საავტომობილო გზაზე ბეტონის საფარი მოეწყო, რეაბილიტაცია ჩაუტარდა ორი სოფლის დამაკავშირებელ ხიდს და მოწესრიგდა სანიაღვრე სისტემა. საგზაო ინფრასტრუქტურის მოწყობა რეგიონული განვითარების ფონდის ფინანსური მხარდაჭერით განხორციელდა. პროექტის ღირებულება 120 282 ლარია. რეაბილიტირებული გზით სარგებლობას ზესტაფონისა და ხარაგაულის მოსახლეობა შეძლებს.  გზის რეაბილიტაციას შპს „ბორანი“ ახორციელებს. მიმდინარე სამუშაოები მუნიციპალიტეტის გამგებელმა ტარიელ თუთარაშვილმა და გამგებლის მოადგილემ ნიკოლოზ კრავეიშვილმა დაათვალიერეს. 

 

27-09-2017, 17:13  - სოხუმის დაცემიდან 24 წელი გავიდა


სოხუმის დაცემიდან 24 წლის შემდეგ, საქართველოს ერთიანობისთვის დაღუპულ  გმირებს თვითმმართველობის წარმომადგენლებმა და მაჟორიტარმა დეპუტატმა პატივი მიაგეს. მუნიციპალიტეტის გამგებელმა ტარიელ თუთარაშვილმა, ყვავილებით შეამკო აფხაზეთის მოვლენების დროს გარდაცვლილი ზაზა გაჩეჩილაძისა და გიორგი მემანიშვილის სახელობის მემორიალი.  სასულიერო პირებმა კი საქართველოს ტერიტორიული მთლიანობისთვის დაღუპულთა სულის მოსახსენიებელი პანაშვიდი გადაიხადეს.  მემორიალთან დღეს ზაზა გაჩეჩილაძისა და გიორგი მემანიშვილის ოჯახის წევრებიც შეიკრიბნენ.

 

სამხედრო დაპირისპირება აფხაზეთში 1992 წლის 14 აგვისტოს დაიწყო. კონფლიქტი ქართულ სამთავრობო ჯარებსა და აფხაზ სეპარატისტთა ჯარებს შორის 13 თვესა და 13 დღეს გაგრძელდა. უახლესი ისტორიის მოვლენებს  დაუზუსტებელი ინფორმაციით 10 ათასზე მეტი ქართველი ჯარისკაცი და და მშვიდობიანი მოქალაქე შეეწირა. 300 ათასი აფხაზეთიდან დევნილი კი უსახლკაროდ დარჩა. 

 

25-09-2017, 15:52  - საბავშვო ბაღებში სასწავლო პროცესი განახლდა


სკოლამდელი აღზრდის დაწესებულებებში სასწავლო პროცესი განახლდა. ახალი საწავლო წლის დაწყება საბავშვო ბაღის აღსაზრდელებს და პედაგოგებს მუნიციპალიტეტის გამგებლის მოადგილემ ნიკოლოზ კრავეიშვილმა, გამგებლის თანაშემწემ ტარიელ კახნიაშვილმა და სკოლამდელი აღზრდის დაწესებულებათა გაერთიანების ხელმძღვანელმა ზოია ლელაძემ მიულოცეს. სასწავლო პროცესი მუნიციპალიტეტის 29 საბავშვო ბაღში განახლდა, თერთმეტ სკოლამდელი აღზრდის დაწესებულებაში კი ამ დრომდე სარეაბილიტაციო პროცესები  მიმდინარეობს.  სარემონტო სამუშაოები, როგორც სოფლის, ასევე ქალაქის ბაღებს უტარდება.  კეთილმოწყობის სამუშაოების დასრულება ოქტომბრის ბოლოს იგეგმება.  ბაღების რეაბილიტაცია რეგიონული განვითარების ფონდის ფინანსური მხარდაჭერით ხორციელდება, პროექტში თანადაფინანსების პრინციპითაა ჩართული მუნიციპალიტეტიც.   სკოლამდელი აღზრდის დაწესებულებათა რეაბილიტაციას „დრიმ – ბილდინგ – კომპანი“ აწარმოებს. 

 

22-09-2017, 17:15  - „ზესტაფონის მოამბის“ საარქივო მასალა მხარეთმცოდნეობის მუზეუმს გადაეცა


გაზეთ „ზესტაფონის მოამბის“  საარქივო მასალა მხარეთმცოდნეობის მუზეუმს გადაეცა. 1949– 2007  წლებით  დათარიღებული პერიოდული გამოცემა გივი ჯაოშვილის სახელობის მხარეთმცოდნეობის მუზეუმის ფონდში განთავსდება. გადაწყვეტილება გაზეთის სარედაქციო კოლეგიისა და მუზეუმის ადმინისტრაციის შეთანხმების საფუძველზე მოხდა. „ზესტაფონის მოამბის“ რედაქტორმა და მუზეუმის დირექტორმა დღეს ურთიერთშეთანხმების მემორანდუმს მოაწერეს ხელი. მხარეებს მიაჩნიათ, რომ აღნიშნული გადაწყვეტილება, ხელმისაწვდომს გახდის გაზეთში დასტამბული მასალების ხელმისაწვდომობას.   საარქივო მასალების გადაცემის პროცესს მუნიციპალიტეტის გამგებელი ტარიელ თუთარაშვილი ესწრებოდა. მხარეთმცოდნეობის მუზეუმს, რამდენიმე დღის წინ ასევე ზესტაფონელი ლოტბარის, ზესტაფონის სახალხო აკადემიური გუნდის „იმერეთის“ ხელმძღვანელის, ზაალ ლოლაძის პირადი საარქივო ფოტომასალაც გადაეცა.

 

 

 

16-09-2017, 12:34  - ზესტაფონი დასუფთავების მასშტაბურ კამპანიას შეუერთდა


ზესტაფონის მუნიციპალიტეტი დასუფთავების მასშტაბურ აქციას შეუერთდა. „დავასუფთაოთ საქართველო“ –ს კამპანიის ფარგლებში დასუფთავდა კვალითის დასახლების ცენტრალური ქუჩები, სკოლამდელი აღზრდის დაწესებულებათა ეზოები, აგრეთვე მიმდებარე ტერიტორიები. დასუფთავების აქციაში მონაწილეობას მუნიციპალიტეტის გამგეობის და  ა (ა) იპ – ის წარმომადგენლები იღებდნენ. აქციაში ჩაერთვნენ გამგებლის მოადგილეები გია დევდარიანი და ვახტანგ ღამბაშიძეც. 17 სექტემბერს, აქციის მეორე დღეს, ქალაქის ცენტრალური ქუჩა დასუფთავდება (ე.წ. პატარა ბაზრის ხიდიდან –  9 აპრილის სახელობის სკვერმდე). დასუფთავების ყოველწლიური საერთაშორისო კამპანია „დავასუფთაოთ მსოფლიო“ 1992 წელს დაფუძნდა და მასში 140 –ზე მეტი ქვეყანაა ჩართული, მათ შორის საქართველოც. აქციაში ყოველ წელს აქტიურადაა ჩართული  ზესტაფონის მუნიციპალიტეტიც.

 

 

 

15-09-2017, 17:41  - ჯგუფმა „სტიქიამ“ ღია ცის ქვეშ კონცერტი გამართა


ჯგუფმა „სტიქიამ“ ღია ცის ქვეშ კონცერტი გამართა. ვოკალურ – ინსტრუმენტული ანსამბლის წევრებმა   მუსიკალური ღონისძიება სასწავლო წლის განახლებას მიუძღვნეს და საკუთარი შემოქმედებით საგანმანათლებლო სფეროს წარმომადგენლებს ახალი სასწავლო წლის დაწყება მიულოცეს.  „სტიქია“ – მ  აუდიტორიას ერთ საათიანი პროგრამაში  საკუთარი ინტერპრეტაციით შექმნილი ქართული და უცხოური სიმღერები შესთავაზა. კონცერტს მუნიციპალიტეტის გამგებელის მოადგილე ვახტანგ ღამბაშიძეც ესწრებოდა.  ვოკალურ – ინსტრუმენტული ანსამბლის წევრები ერთმანეთს პირველად საქველმოქმედო კონცერტზე შეხვდნენ და ანსამბლის შექმნის  იდეაც მაშინ გაჩნდა.  დღეს ანსამბლი კულტურისა და შემოქმედების ცენტრთან არსებობს. მუსიკალური ჯგუფის ხელმძღვანელი არჩილ ყინჩიყიძეა, ანსამბლი კი 15 წევრს აერთიანებს. 

 

15-09-2017, 16:05  - მუნიციპალიტეტის საჯარო და კერძო სკოლებში სასწავლო წელი განახლდა


 სასწავლო წელი მუნიციპალიტეტის ყველა საჯარო და კერძო სკოლაში განახლდა. ახალი სასწავლო წლის დაწყება  მუნიციპალიტეტის ზოგადსაგანმანათლებლო დაწესებულებებს ადგილობრივი თვითმმართველობის წარმომადგენლებმა და მაჟორიტარმა დეპუტატმა მიულოცეს და მათ მიერ ორგანიზებულ ღონისძიებებში მიიღეს მონაწილეობა. მუნიციპალიტეტის მასშტაბით 700  – ზე  მეტი პირველკლასელია. სკოლათა უმრავლესობა ახალ სასწავლო წელს განახლებული ინფრასტრუქტურით შეხვდა. 2018 წლისთვის კი ხუთი სკოლის სრული რეაბილიტაცია იგეგმება.ზესტაფონის მუნიციპალიტეტის თვითმმართველობა ახალი სასწავლო წლის დაწყებას ულოცავს ყველა მოსწავლეს, პედაგოგს და საგანმანათლებლო სფეროს ყველა წარმომადგენელს. 

 

13-09-2017, 15:02  - ზესტაფონში 12 საბავშვო ბაღის რეაბილიტაცია მიმდინარეობს


სკოლამდელი აღზრდის დაწესებულებათა რეაბილიტაციაზე 800 ათას ლარამდე იხარჯება.  მუნიციპალიტეტში კეთილმოწყობის სამუშაოები 12 საბავშვო ბაღში მიმდინარეობს. განახლებას, როგორც სოფლის, ასევე ქალაქის ბაღები ექვემდებარება. ბაღების რეაბილიტაცია რეგიონული განვითარების ფონდის ფინანსური მხარდაჭერით ხორციელდება, პროექტში თანადაფინანსების პრინციპითაა ჩართული მუნიციპალიტეტიც.  საბავშვო ბაღებში მიმდინარე სარემონტო სამუშაოებს გამგებლის მოადგილე ვახტანგ ღამბაშიძე სკოლამდელი აღზრდის დაწესებულებათა ხელმძღვანელთან ერთად, სოფელ ზედა საქარაში და ქალაქის N 3 ბაღში ადგილზე გაეცნო. ზედა საქარის საბავშვი ბაღში შეიცვალა დაზიანებული სახურავი, განახლდა  კარ – ფანჯრები. მოწესრიგდება სველი წერილები, ელ. გაყვანილობა, სამზარეულო და საძინებელი ოთახები. მოეწყობა ლამინირებული და კერამიკული ფილების იატაკი.  სკოლამდელი აღზრდის დაწესებულებათა რეაბილიტაციას „დრიმ – ბილდინგ – კომპანი“ აწარმოებს.

 

9-09-2017, 15:50  - ზესტაფონში „მომავლის ბიზნეს სკოლა“ გაიხსნა


ზესტაფონში  „მომავლის ბიზნეს სკოლა“  გაიხსნა.  განათლება, წარმატება და ღირსეული მომავალი, ახალი საგანმანათლებლო დაწესებულება  მოსწავლეებს თანამედროვე სტანდარტებზე მორგებულ გარემოს, სწავლის უახლეს მეთოდებს და ბიზნეს უნარ ჩვევების ჩამოყალიბების პირობას აძლევს. „მომავლის ბიზნეს სკოლა “  მოსწავლეებს ასევე მათი ინტერესის გათვალისწინებით და სწავლების ხარისხის ამღლების მიზნით გაცვლით პროგრამებში მონაწილეობის შესაძლებლობას სთავაზობს. სკოლასთან ასევე არსებობს საბავშვო ბაღი „სკოლამდელთა აკადემია“.  სკოლის გახსნის საზეიმო ცერემონიალს მუნიციპალიტეტის გამგებელი ტარიელ თუთარაშვილი და გამგებლის მოადგილე გერონტი დევდარიანი ესწრებოდა. ტარიელ თუთარაშვილმა მუნიციპალიტეტში კიდევ ერთი ახალი საგანმანათლებლი დაწესეულების მნიშვნელობაზე ისაუბრა და წარმატებები უსურვა „მომავლის ბიზნეს სკოლის“ მოსწავლეებს, პედეგაოგებს და ადმინისტრაციას. 

 
>