By zuka_x / Get This!

www.zestaphoni.com 0492 25 26 26 www.zestaphoni.com 0492 25 26 26 www.zestaphoni.com 0492 25 26 26 www.zestaphoni.com 0492 25 26 26 www.zestaphoni.com 0492 25 26 26 www.zestaphoni.com 0492 25 26 26www.zestaphoni.com 0492 25 26 26 www.zestaphoni.com 0492 25 26 26 www.zestaphoni.com
 

7-12-2017, 16:12  - მუზეუმების გაერთიანებამ „ჩვენი მუზეუმის“ პრეზენტაცია მოაწყო


მხარეთმცოდნეობის მუზეუმმა საკუთარი გამოცემის „ჩვენი მუზეუმის“ პრეზენტაცია მოაწყო. გაზეთის სპეციალური ნომერი ვრცელ და საინტერესო მასალებს მოიცავს. ვის ეკუთვნოდა სახლი, სადაც ამჟამად მხარეთმცოდნეობის მუზეუმია განთავსებული; ინფორმაცია მუნიციპალიტეტში არსებული არქეოლოგიური ძეგლების შესახებ; ისტორიული მასალები ზესტაფონში მოღვაწე ცნობილ სასულიერო პირზე, დეკანოზ დავით ღამბაშიძეზე; ცნობები მსოფლიო ხალხთა კულტურული მემკვიდრეობის უმნიშვნელოვანესი ნიმუშების შესახებ, რომლებიც მუზეუმშია დაცული. გაზეთის სპეციალური ნომერი ამ შინაარსის წერილებს აერთიანებს. პრეზენტაცია მუზეუმის საგამოფენო დარბაზში შედგა და მას ძველი და ახალი თაობის წარმომადგენლები ესწრებოდნენ. ღონისძიებას ესწრებოდა საკრებულოს თავმჯდომარე ვახტანგ ღამბაშიძეც. გაზეთის პრეზენტაციაზე საპატიო სტუმართა შორის პროფესორი ვახტანგ ჯაფარიძე გახლდათ, რომელიც ამჟამად არქეოლოგიური სამუშაოების წარმოებას ხელმძღვანელობს შორაპნის ციხეზე. 

 

7-12-2017, 10:46  - ხორავას ქუჩაზე მომხდარ ტრაგედიას მუნიციპალიტეტიც გამოეხმაურა


თბილისში, ხორავას ქუჩაზე მომხდარ ტრაგედიას, რომლის შედეგად ორი არასრულწლოვანი გარდაიცვალა მუნიციპალიტეტის თვითმმართველობის წარმომადგენლები და  განათლების რესურს – ცენტრი გამოეხმაურა. საკრებულოს განათლების, კულტურის, სპორტისა და ახალგაზრდულ საქმეთა კომისიის ინიციატივით, აღნიშნულთან დაკავშირებით შეხვედრა მოეწყო. საკრებულოს დარბაზში შეკრებილებმა წუთიერი დუმილით პატივი მიაგეს არასრულწლოვანთა ხსოვნას და კიდევ ერთხელ დაგმეს ძალადობა.  შეხვედრაზე არასრულწლოვანთა შორის დანაშაულის პრევენციის მიზნით  გასატარებელ ღონისძიებებზე იმსჯელეს. რესურს – ცენტრის ხელმძღვანელმა იმ პროექტების შესახებ ისაუბრა, რომლის განხორციელებაც იგეგმება. კერძოდ, მუნიციპალიტეტის საჯარო სკოლებში პროკურატურის წარმომადგენლები მოსწავლეებთან საინფორმაციო ხასიათის შეხვედრებს მოაწყობენ, რომელიც ძალადობის წინააღმდეგ იქნება მიმართული. დაგეგმილია ასევე მოსწავლეთა და მშობელთა შორის სამოქალაქო ცნობიერების ასამაღლებლად შეხვედრები და დისკუსიები. ძალადობის წინააღმდეგ მიმართულ ღონისძიებათა შორის საჯარო სკოლებში სხვადასხვა სახის სპორტული შეხვედრები მოეწყობა.  

 

6-12-2017, 11:19  - მუნიციპალიტეტის მერმა ინფრასტრუქტურული პროექტები დაათვალიერა


მუნიციპალიტეტის მერმა მიმდინარე ინფრასტრუქტურული პროექტები დაათვალიერა.  კახაბერ მახათაძე რამდენიმე მისამართზე მივიდა, სადაც ამჟამად როგორც საგზაო ინფრასტრუქტურის, სკვერების და ავტოსაგზაო მარეგულირებელი წრის მოწყობის სამუშაოები ხორციელდება.   რეკონსტრუქცია კვალითის დასახლებაში, მელქაძის ქუჩაზე არსებულ სკვერს უტარდება.  პროექტი რეგიონული განვითარების ფონდის მიერ არის დაფინანსებული და მის მოწყობაზე 110837 ლარია გათვალისწინებული. დასრულების სტადიაშია ზაპოროჟიეს ქუჩის სარეაბილიტაციო სამუშაოები. საგზაო ინფრასტრუქტურის მოსაწესრიგებლად, ქუჩის აღნიშნულ მონაკვეთზე  ბეტონის საფარი იგება. პროექტს რეგიონული განვითარების ფონდი აფინანსებს და მისი ღირებულება 155 264 ლარია. წლის ბოლომდე უნდა დასრულდეს ქალაქის ცენტრალური შემოსასვლელის, სტაროსელსკის ქუჩაზე მიმდინარე ინფრასტრუქტურული პროექტის კეთილმოწყობის სამუშაოები, რომელიც გამყოფი ზოლის მოწესრიგებას და მარეგულირებელი წრის რეაბილიტაციას ითვალისწინებს.  პროექტის ღირებულება 105 000 ლარია.  

 

5-12-2017, 17:39  - ბავშვთა სარეაბილიტაციო ცენტრს ხელისუფლებამ საჩუქრები მიუტანა


მუნიციპალიტეტის მერი კახაბერ მახათაძე და საკრებულოს თავმჯდომარე ვახტანგ ღამბაშიძე  ბავშვთა სარეაბილიტაციო ცენტრ „ორიონს“ ესტუმრნენ. ხელისუფლების წარმომადგენლებმა „ორიონელებს“ საჩუქრები მიუტანეს და მსოფლიო შეზღუდული შესაძლებლობის მქონე პირთა უფლებების დაცვის დღეს შეუერთდნენ. მათ კიდევ ერთხელ გამოხატეს საკუთარი მხარდაჭერა შშმ პირთა საზოდადოებაში ადაპტირების პროცესში და ცენტრის აღსაზრდელების ყოველდღიური საქმიანობით, ასევე, სააღმზრდელო პროგრამით დაინტერესდნენ.  „ორიონელებთან“ ერთად სხვადასხვა სახის თამაშებშიც მიიღეს მონაწილეობა. ღონისძიებაში  მუნიციპალიტეტის ახალგაზრდული პარლამენტის წევრებიც იყვნენ ჩართული. კავშირი „ორიონი“ 2004 წელს დაარსდა ზესტაფონში და მას შემდეგ ცენტრი  შშმ ბავშვების რეაბილიტაციის მიმართულებით აქტიურად მუშაობს. 

 

5-12-2017, 15:47  - შორაპნის ციხეზე არქეოლოგიური სამუშაოები მიმდინარეობს


ანტიკური ხანის ციხე – ქალაქ შორაპნის ძეგლზე არქეოლოგიური სამუშაოები მიმდინარეობს. არქეოლოგიურ ექსპედიციას საქართველოს კულტურისა და ძეგლთა დაცვის სამინისტრო და საქართველოს კულტურული მემკვიდრეობის დაცვის ეროვნული სააგენტო აწარმოებს პროფესორ ვახტანგ ჯაფარიძის ხელმძღვანელობით. პროგრამის მიზანია განხორციელდეს კულტურული მემკვიდრეობის იმ ძეგლებს რესტავრაცია – კონსერვაციის სამუშაოები, რომლებიც გადაუდებლად საჭიროებენ მოვლა – პატრონობას, მეცნიერულ კვლევას და შემდეგ ეტაპზე სარესტავრაციო სამუშაოების განახლებას. სააგნტოს სარესტავრაციო ჯგუფმა, გასულ წელს, გაამაგრა შორაპნის ციხის ზღუდის ჩრდილოეთის კედლის ერთი ნაწილი, შემდეგ კი, გასული წლის ნოემბრის თვეში, მუნიციპალიტეტის თხოვნის შესაბამისად, კულტურული მემკვიდრეობის დაცვის ეროვნულმა სააგენტომ განახორციელა არქეოლოგიური, შედარებით მცირე მასშტაბის, სამუშაოები შოროპნის ციხეზე. საექსპედიციო ჯგუფის წევრები, მუნიციპალიტეტის მერს, კახაბერ მახათაძეს შეხვდნენ და პროექტის შესახებ კონკრეტული ინფორმაცია მიაწოდეს.

 

1-12-2017, 18:22  - ზაპოროჟიეს ქუჩაზე გზის რეაბილიტაცია მიმდინარეობს


ზაპოროჟიეს ქუჩაზე გზის სარეაბილიტაციო სამუშაოები მიმდინარეობს. საგზაო ინფრასტრუქტურის მოსაწესრიგებლად, ქუჩის აღნიშნულ მონაკვეთზე ბეტონის საფარი იგება. პროექტი რეგიონული განვითარების ფონდის მიერ არის დაფინანსებული და მისი ღირებულება 155 264 ლარია. გზის კეთილმოწყობაზე, შპს „საპოვნელა +“ მუშაობს. 2017 წელს საგზაო ინფრასტრუქტურის აღდგენა მუნიციპალიტეტმა 20 – ზე მეტ მისამართზე განახორციელა. გზების რეაბილიტაციის გარდა, აქტიურად მიმდინარეობს სკვერების მოწყობის პროცესი, ზაქარიაძის ქუჩის მრავალსართულიანი საცხოვრებელი კორპუსების ფასადების რეაბილიტაცია, ზაქარიაძის ქუჩიდან – დაბა შორაპნამდე ღამის განათების სარეაბილიტაციო სამუშაოები, მოსწავლე – ახალგაზრდობის სახლის ტერიტორიაზე მოძრაობის მარეგულირებელი წრის მოწყობა. რეაბილიტაცია ჩაუტარდა საფეხბურთო მოედნებს. ინფრასტრუქტურის მოწესრიგება იქნება ერთ – ერთი მთავარი პრიორიტეტი 2018 წელშიც.

 

1-12-2017, 17:02  - „ორიონმა“ საინფორმაციო შინაარსის აქცია მოაწყო


3 დეკემბერს მსოფლიო შეზღუდული შესაძლებლობების მქონე პირთა უფლებების  დაცვის დღეს აღნიშნავს. სტიგმა, რომ შეზღუდული შესაძლებლობები არ არსებობს და სოციუმსაც უდიდესი როლი აკისრია შშმ პირების საზოგადოებაში ადაპტირების პროცესში,  ზესტაფონის ბავშვთა სარეაბილიტაციო ცენტრმა  „ორიონმა“  1 დეკემბერს, საინფორმაციო ხასიათის აქცია მოაწყო. მეხუთე საჯარო სკოლის მოსწავლეებთან ერთად ისინი საჯარო და კერძო დაწესებულებებს სტუმრობდნენ. „თანაბარი უფლებები, თანაბარი შესაძლებლობები“, „ჩვენ არ ვცნობთ შეზღუდვებს, ვირჩევთ თანაბარ შესაძლებლობებს“ . ამ სლოგანით ისინი მუნიციპალიტეტის მერიას და საკრებულოს თავმჯდომარეს ვახტანგ ღამბაშიძესაც ესტუმრნენ. საკრებულოს თავმჯდომარეს, ორგანიზაციის მიერ გამოცემული საინფორმციო ბუკლეტი დაუტოვს და მასთან ერთად სამახსოვრო ფოტოც გადაიღეს. 

 

30-11-2017, 11:18  - კვალითის დასახლებაში სკვერის რეკონსტრუქცია მიმდინარეობს


კვალითის დასახლებაში სკვერის მოწყობის სამუშაოები მუნიციპალიტეტის მერმა კახაბერ მახათაძემ და საკრებულოს თავმჯდომარემ  ვახტანგ ღამბაშიძემ დაათვალიერეს. მელქაძის ქუჩის სკვერის რეკონსტრუქცია რეგიონული განვითარების ფონდის ფინანსური მხარდაჭერით ხორციელდება. პროექტი  110837 ლარით არის დაფინანსებული.  ახალი სივრცის მოწყობა დეკორატიული ფილებით იგეგმება,  დაირგვება სხვადასხვა სახეობის დეკორატიული მცენარეები. დამონტაჟდება განათების სისტემა. სარეაბილიტაციო სამუშაოებს მუნიციპალიტეტის დაკვეთით შპს „ანტურაჟი“ აწარმოებს. მშენებელმა ორგანიზაციამ ნაკისრი ვალდებულების მიხედვით სარეკონსტრუქციო სამუშაოები წლის ბოლომდე უნდა დაასრულოს.  მუნიციპალიტეტი მიმდინარე წლის ბოლომდე სამი სკვერის კეთილმოწყობას განახორციელებს.  მათ შორის სრულიად ახალი, დასასვენებელი სივრცე მოეწყობა ე. წ. მამუკა ასლანიკაშვილის სანაპიროზე, მოსწავლე ახალგაზრდობის სახლის მიმდებარე ტერიტორიაზე.  

 

29-11-2017, 18:25  - საკრებულომ რიგგარეშე სხდომა გამართა


მუნიციპალიტეტის საკრებულომ  რიგგარეშე სხდომა გამართა.  დეპუტატებმა  დღის წესრიგის მიხედვით, 2017 წლის ადგილობრივ ბიუჯეტში ცვლილებების შეტანას დაუჭირეს მხარი.  ცვლილება მთავარ ფინანსურ დოკუმენტში ინფრასტრუქტურული პროექტების, სოციალური პროგრამების  და  კულტურულ ღონისძიებებისთვის დამატებით ხარჯების გაზრდას ითვალისწინებდა. ცვლილების თანახმად,  სკოლამდელი აღზრდის დაწესებულებებში, გათბობის სარეაბილიტაციო სამუშაოებისთვის, დამატებით 112, 1 ათასი ლარი გამოიყო.  127,2 ათასი ლარით  დაფინანსდა დასუფთავებისა და კეთილმოწყობის სერვის ცენტრი. გაზრდილი თანხებით,  შრომითი ანაზღაურების ფონდის შევსება, ასევე წყლისა და ელექტროენერგიის ხარჯების დაფარვაა განსაზღვრული. 40, 0 ათასი ლარით გაიზარდა სოციალური პროგრამების დაფინანსება.  საახალწლო ღონისძიებების ჩასატარებლად დამატებით 10, 0 ათასი ლარი გამოეყო განათლების, კულტურის, სპორტისა და ახალგაზრდობის საქმეთა სამსახურს.  დეპუტატებმა ასევე საკრებულოს კომისიების დებულებები დაამტკიცეს. 

 

29-11-2017, 17:31  - ცენტრალურ ბიბლიოთეკაში პოეტ ეკა ბაქრაძესთან შეხვედრა მოეწყო


ცენტრალურ  ბიბლიოთეკას დღეს  პოეტი ეკა ბაქრაძე სტუმრობდა. ლექსები საკუთარი შემოქმედებიდან, ლიტერატურული გამოცემის „გზაჯვარედინის“ პრეზენტაცია და ყველაზე გულახდილი დიალოგი აუდიტორიასთან.   სამკითხველო დარბაზში  შეკრებილ საზოგადოებასა და ქალ პოეტს  შორის შეხვედრა ამ ფორმატში შედგა.  მსურველებს ასევე, შესაძლებლობა ჰქონდათ, მისი ბოლო პერიოდში გამოცემული ლექსების კრებული შეეძინათ.  ეკა ბაქრაძის პირველი ლექსი 1986 წელს  ხაშურის რაიონულ გაზეთში დაიბეჭდა, მაშინ ის მხოლოდ 10 წლის იყო. დღეს ეკა ბაქრაძე ხუთი კრებულის ავტორია. მისი ბოლო კრებული „100 ლექსი“ 2014 წელს დაისტამბა.  ეკა ბაქრაძე ლიტერატურულ – შემეცნებითი გამოცემა „გზაჯვარედინი“ – ს რედაქტორია. ის ასევე ხელმძღვანელობს საბავშვო თეატრალურ  ლიტერატურულ სტუდია „აკვარიუმს“.

 
>